Kyrkjeparken i Norheimsund
Utearealet ved Norheimsund kyrkje nærmar seg no fullføring. Landskapsarkitekt Olav Tveitnes har laga teikningar til eit vakkert parkanlegg som har vorte utbygt i fleire steg.
Den siste delen som no er i arbeid er kostnadsrekna til kring 1.400.000 kroner.
Ei byggjenemnd utpeika av soknerådet har leia arbeidet.
Til no har ein frå rause gjevarar motteke ca. 350.000 kroner, dugnaden er utrekna til
250.000. Det manglar såleis ein sum tilsvarande 800.000 kroner.
Me veit kor heilhjarta folk gav og ofra til kyrkjebygget og til den første delen av parken.
Difor har me no den same von og tru på støtte til fullføring av parkanlegget.
Med frimod bed me om di gåve til arbeidet.
Norheimsund, august 2010
Arbeidsutvalet
Kristian Neteland Ingvard Teigland Johnny Knudsen
Giro som vert lagt ved kyrkjebladet i september kan nyttast. Kontonummer står òg under her.
KONTO: 35302078015
NORHEIMSUND KYRKJEPARK
v/ Kyrkjeverja i Kvam
Postboks 39
5601 NORHEIMSUND
Norheimsund kyrkje:
Vart reist av bygdefolket for innsamla midlar og med heilhuga dugnadsarbeid i åra 1985 - 92. Heradet kosta tomta og orgelet, og har ansvaret for drift og vedlikehald.
Kyrkja vart vigsla i juni 1989.
Arkitekt var Peder A. RIstensund, Bergen.
Altartavla er laga av Audun Storaas, Norheimsund.
